KvammaLAN 2025

7. oktober – 10. Oktober (14:00 – 14:00)

KvammaLAN er eit 72 timar langt LAN-party som blir arrangert kvart år, i haustferien, av Kvam E-Sport og andre frivillige.
Arrangementet kjem til å bli fylt til randa med spel, aktivitetar og konkurransar. Her ynskjer me å samla gamarar, venar og andre nysgjerrige, for å kose seg med gaming og sosialt samvære.

Kva kan du venta deg?

• Ein eigen pult til utstyret ditt
• Valfrie konkurransar med premie, i Fortnite, Minecraft, Mario Kart, Bilsimulator og meir!
• Evotag og boblefotball for å få eit avbrekk.
• Lounge med sofakrok til Playstation og Nintendo Switch, bilsimulator, flysimulatorar og brettspelsone.
• Gratis frukost og middag
• Sovesal til dei som vil kvile

For alle

Dette er det største gamingarrangementet i Kvam, og alle er velkomne uansett om dei bur innanfor eller utanfor kommunegrensene. Det er inga aldersgrense. Me prøver å låne utstyr til dei som ikkje har det dei treng for å delta, men me har ikkje nok til alle, so det er fyrste mann til mølla.

Meld deg på no, for å sikre deg plassen du vil ha. I fjor hadde me over 80 deltakarar, og no har me laga plass til fleire. Me ser fram til å sjå deg på KvammaLAN!